Os de Microsó andan a ofertar novos servizos Life e como son un pouco friki decidín probar como van con este post. Iso quere dicir que aquí non se conta nada interesante e que só ando a xogar.
Pero por iso de ter entretido ao persoal vou colgar algunha foto e así de paso comprobar se os de Redmond meteron a pata ou non.
Isto foi onte paseando polo Navy Pier, que é como lle chaman aquí ao porto de trasatlánticos. En tempos debeu ser un burdel de tamaño considerábel, pero agora esta inzado de turistas (coma min), familias e sitios onde gastar dólares de xeito tonto.
E para que ninguén se pregunte se realmente estiven alí, teño probas, que ademais serven para apreciar o skyline da cidade que se pode ver desde o Pier en cuestión.
Ah, e isto é un vagón de tren-metro valeiro un día pola mañá indo a Howard (non confundir con Howarts).
Se vos fixades ben notaredes que se parece a calquera vagón metropolitano dos que se atopan por aí. E así é, non ten absolutamente nada de especial e até se pode dicir que é algo feo. Pero funcionan moi ben (e poderían facelo mellor).
No comments:
Post a Comment